Cauril-sauvage
Vaccaria hispanica
Caryophyllaceae
Noms en français : Vachère, Saponaire des vaches.
Descripcioun :Lou cauril-sauvage trachis dins li meissoun e lis ermas. Ié dison qu'es uno arqueoufito que nous vèn d'Anatolìo desempièi de siècle emé li gran de blad. Emé la criblo se vèi de mens en mens aleva en Auto Prouvènço. Se recounèis eisadamen à si flour roso pourtado pèr de long pecou e à si fueio verdalo e en lanço.
Usanço :Es esta cultiva en mescladisso emé lou blad e la luserno pèr li vaco, que parèis qu'èi bono pèr ié faire veni lou la. Aquesto prouprieta se retrovo encò de la femo e toco tout ço qu'es en raport emé la femenita (enmenagogo, enflamacioun di teté, analgesico). Tout acò èi bessai de vèire emé la formo de la flour (principe di signaturo). Se dis peréu qu'èi vertuouso pèr la circulacioun dóu sang.
Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an
Gènre : Vaccaria
Famiho : Caryophyllaceae
Coulour de la flour :
Roso
Petalo : 5
Ø (o loungour) flour : 1 à 1,5 cm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Jun à juliet
Liò : Meissoun
- Champ
- Ermas
Estànci : Termoumediterran à Mountagnard
Couroulougi : Subrecousmoupoulito
Ref. sc. : Vaccaria hispanica (Mill.) Rauschert, 1965
Estello-jauno(-de-Reverchon)
Gagea reverchonii
Liliaceae Liliaceae
Nom en français : Gagée de Burnat.
Descripcioun :L'estello-jauno-de-Reverchon trachis dins li tepiero roucaiouso subretout li peiròu cauquié. La planto èi verdalo emé uno grando fueio basalo larjo de 2 à 7 mm. Li flour, rouginasso dessouto se duerbon pièi retoumbon sus lou coustat.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 8 à 15 cm
Fueio : Costo paralèlo
Tipe bioulougico : Geoufite
Cicle bioulougico : Planto renadivo
Gènre : Gagea
Famiho : Liliaceae
Famiho classico : Liliaceae
Ordre : Liliales
Coulour de la flour :
Jauno
Petalo : 6
Ø (o loungour) flour : 1,5 à 2,2 cm
Flourido : Printèms
Sòu : Ca
Autour basso e auto : 1000 à 1700 m
Aparado : Noun
Mars à jun
Liò : Tepiero roucaiouso
- Peiròu
- Bos clar
Estànci : Subremediterran à Mountagnard
Couroulougi : Mediterrano-Mountagnouso-Nord-Ouèst
Ref. sc. : Gagea reverchonii Degen, 1903
(= Gagea lutea subsp. burnatii (A.Terracc.) Laínz = Gagea burnatii A.Terracc. )